FESTAK. Donostiako Aste Nagusiko kanoikada partekatua izango da aurten. Izan ere, Gipuzkoako Argazkilari Elkartea eta Aspace garun paralisia dutenen arretarako elkartea izango dira aurtengo kanoikadako protagonistak. Elkarrekin igoko dira udaletxeko balkoira egun horretan, eta guztiek batera abestuko dute Artillero kanta, hiriburuko jaiei hasiera emateko.
Donostiako Udalak azaldu duenez, ziurrenik aurten inoiz baino jende gehiago igoko da balkoira festei hasiera emateko: oraingoz, Aspaceko 26 kidek eta Argazkilari Elkarteko hogei kidek eman dute izena ekitaldian parte hartzeko. Abuztuaren 12an izango da aurtengo kanoikada, Alderdi Ederren. Astebetez, musika, dantza, su festak eta beste hainbat jarduera izango dira Gipuzkoako hiriburuan.
Kanoikada, Aspaceren eta argazkilarien esku
Iruzkinak
Ez dago iruzkinik
Ordenatu
