Kontzertuz josita iritsi da udaberria Zarautzera (Gipuzkoa). Hasi da Udaberri Klub Maratoia; gaurtik igandera bitarte, hamalau kontzertu entzun ahalko dira Zarauzko plaza, kale eta tabernetan. Xpressionk kultur elkarteak antolatu du ekitaldia; aurten egingo da, aurrenekoz, Udaberri Klub Maratoia.
Bluestock taldeak joko du lehenengo, 18:30ean, Barren plazan. 19:00etan hasiko da Paul San Martin piano jotzailearen emanaldia; Santuiturri plazan joko du. The Back Tracks rock taldearen txanda izango da gero, 19:30ean. Musika plazan joko dute. 20:00etan, Makala Jazz funk Band taldeak emango du kontzertua, Zarauzko malekoian. Handik bi ordura joko du Perlak pop rock taldeak, Bixkonde kalean. Urko Menaia kantautoreak itxiko du gaurko kontzertu sorta; 23:00etan hasiko da emanaldia, Joe tabernan.
Lau kontzertu daude antolatuta biharko. 19:00etan joko du Soul Kitchen taldeak, Ziaboga tabernan. Ordu erdi geroago, Oreindik taldeak emango du kontzertua, Musika plazan. 20:00etan joko du Low Riders taldeak, malekoian. Nia Moore King bakarlaria izango da bihar jotzen azkena; Bixkonde kalean joko du, 22:00etan.
Iganderako, lau kontzertu antolatu ditu Xpressionk kultur elkarteak. Unax Noga kantautoreak eta Azkaiter Pelox Band, Lauroba eta Syrah taldeek joko dute.
UDABERRI KLUB MARATOIA
Noiz. Gaurtik igandera.
Non. Zarautzen, Gipuzkoan.
Kontzertu maratoia Zarautzen
Udaberri Klub Maratoia hasiko da gaur; hamalau kontzertu prestatu dituzte antolatzaileek, igandera bitarte
Iruzkinak
Ez dago iruzkinik
Ordenatu
