MENDIA. KAPITAINEAN JAUSIA

Eskaladaren meka deitzen diote eskalatzaileek Yosemiteri (AEB). Horma handietako eskaladaren bilakaeran ezinbesteko erreferentzia dira hango hormak, eta guztietan Kapitaina da ezagunena. Harri-jausi ikusgarria izan zen bertan, igandean. Ez zegoen eskalatzailerik horman, eta ez zen inor zauritu, zorionez. Kapitainaren ekialdeko horman gertatu zen jausia, Waterfall bidetik gertu. Jausi gehiago gerta daitekeela ohartarazi dute parkeko zaindariek.