Oskar Alegriaren film berria Seminci jaialdian izango da

ZINEMA. Oskar Alegria zinemagileak bere hirugarren film luzea aurkeztuko du udazkenean: Zinzindurrunkarratz. Artazutik Andimendira arteko artzainen bidean filmatu du (Nafarroa), Super-8 kamera batekin, eta Paolo astoa bidaide izanda: «Oinez eginiko film bat da», azaldu du. Valladolideko Seminci jaialdian (Espainia) hautatu dute, eta zinemaldi gehiagotara ere iritsiko da gero.