PUNK-ROCK SOLIDARIOA BARAKALDON

Murder Pink, El Paso Killers eta Mala Noche taldeek joko dute gaur Barakaldoko (Bizkaia) Edaska Rock Clubean. 21:00etan hasiko dira kontzertuak, eta bost euroan eskura daitezke sarrerak. Bildutako dirua Kongon eskola bat eraikitzeko izango da. Murder Pink taldeak punk-rock musika egiten du. El Paso Killers taldeak -argazkian- Fuego In Ciudad Juarez diskoa kaleratu berri du. Mala Noche taldeak, berriz, Marea taldearen estiloari jarraitzen dio.