Zirkua, dantza eta antzerkia kalean

Ostegunean hasi zen Gasteizko KaldeArte jaialdiaren hamaikagarren ekinaldia, eta bihar amaituko da. Kaleko Artearen Nazioarteko Jaialdia da, eta, orotara, 30 konpainiaren46 ikuskizun izango dira, hiriko plaza eta kaleetan. Zirku, dantza eta antzerki emanaldiak izango dira, Euskal Herriko zein atzerriko konpainiek plazaratuak. Besteak beste, Euskal Herriko talde hauek parte hartuko dute: Markeliñe, Trapo Zaharrak, Deabru Beltzak, Dantzaz, Zurrunka, Bapatean, Clown... Erakusmahai bat jarriko dute Urrezko Zeledoien plazan, informazioa nahiz sarrerak eskuratu nahi dituenarentzat.

KaldeArte

Gaur eta bihar, egun osoan, Gasteizko hainbat lekutan.