Ohikoa den moduan, urtearen hasieran gora egin du langabeziak. INEren eta Insee-ren datuak bilduta, Gaindegiak dio 155.300 lagun daudela lanik gabe Euskal Herrian, 2017ko azken hiruhilekoan baino 5.100 gehiago (+0,3).
Nafarroan (+2.600) eta Araban (+2.300) handitu da gehien langabezia, baina gora egin du Bizkaian (+900) eta Ipar Euskal Herrian ere (+900). Gipuzkoan, berriz, 1.300 langabe gutxiago zenbatu ditu INEk.
Ipar Euskal Herrian dago langabezia tasarik txikiena, %7,66 hain zuzen ere, baina gertu du dagoeneko gipuzkoa, %7,93ko tasarekin. Araban eta Nafarroan aktiboen %10,54 daude lanik gabe, eta %12,61, berriz, Bizkaian.
Europako Batasuneko bost estatuk soilik dute Euskal Herriak baino langabezia tasa handiagoa: Greziak (%21,1), Espainiak (%16,7), Italiak (%11,6), Kroaziak (%11,3) eta Ziprek (%10,9).
