Beste lan istripu lazgarri bat gertatu da, 09:18ean, Cintruenigon (Nafarroa). 54 urteko langile bat zendu da herriko industrialdean, ezbehar batean.
Foruzaingoak jakinarazi du hamabost metrotik erorita hil dela. Eraikuntza enpresa bateko langilea une horretan lantoki bateko sabaian zegoen lanean.
Istripua gertatu den tokitra bertaratu diren osasun zerbitzuek ezin izan dute ezer egin. Foruzaingoak bere gain hartu du lan istripua ikertzeko ardura.