Hil egin da atzo Igantzin (Nafarroa) erreskatatu eta helikopteroz Nafarroako Unibertsitate Ospitalera eraman zuten 67 urteko gizona. Traktore txiki batekin lanean zebilela, ibilgailua irauli eta harrapatuta geratu zen Bordako soro inguruan.
Larrialdi zerbitzuek 14:08an jaso zuten abisua, eta Oronozko suhiltzaileak, medikuak, anbulantzia bat, helikoptero bat, Foruzaingoa eta Guardia Zibila bertaratu ziren. Lehenik, istripua gertatu zen tokian bertan artatu zuten gizona; gero, helikopterora eraman zuten anbulantzian, eta, azkenik, ospitalera eraman zuten helikopteroz, Iruñera. Han hil da gizona.
