Amurrioko Udalak Tubos Reunidoseko lantegiak irekita mantentzeko eskatu die erakundeei

Udalak lehentasunezko helburutzat jo du lanpostuak babestea eta horretarako «egitasmo industrial bideragarria» abian jartzea. Amurrioko, Iruña Okako eta Trapagarango lantegiak irekita mantenduko dituzten konponbideak lehenesteko eskatu dute.

Tubos Reunidos enpresaren lantegi nagusia, Amurrion, artxiboko irudi batean. JUANAN RUIZ / FOKU
Tubos Reunidos enpresaren lantegi nagusia, Amurrion, artxiboko irudi batean. JUANAN RUIZ / FOKU
Peru Amorrortu Barrenetxea
2026ko azaroaren 19a
13:20
Entzun 00:00:00 00:00:00

Tubos Reunidosen etorkizuna zalantzak estaltzen duen honetan, Amurrioko Udalak adierazpen instituzionala helarazi die Eusko Jaurlaritzari, Arabako Foru Aldundiari, SEPIri eta Espainiako Gobernuari, enpresaren lantegiak irekita mantenduko dituen konponbide bat lortzea «lehentasunezko helburua» izan dadila eskatzeko. «Lanpostuak babestea» da udalaren lehentasuna, eta horretarako lantegientzako «egitasmo industrial bideragarri bat» abian jartzea ezinbestekotzat jo du. 

Horretaz gain, udaleko bozeramaileen batzarrak onarturiko adierazpenean, udalak «Espainiako eta Europako legediak Tubos Reunidosen zorra tratatzeko eskaintzen dituzten tresna guztiak aztertzeko» eskatu die erakundeei, baita zor hori osoki edo partzialki kitatzeko ere, «betiere legez onar badaiteke». Hain zuzen ere, enpresak pilaturiko zor handia da orain arte inbertsiogileak atzera bota dituen arrazoietako bat. Horren ondorioz, Amurrioko, Iruña Okako eta Trapagarango lanpostuen etorkizuna kolokan dago, eta horiek mantentzea ziurtatu nahi du udalak.  

Kazetaritza etikoaren arabera sortua

Nola bermatzen dugun edukien kalitatea

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Zure babes ekonomikoari esker egiten dugu kazetaritza konprometitua. BABESTU BERRIA