Azken lan istripua gaitzetsi dute Azkoitian

AZKOITIA. ELAk deituta, 50 langile eta sindikatuko ordezkari bildu ziren atzo goizean Oinartxo industrialdean, Azkoitian, joan den ostiralean han bertan 20 urteko langilea hil zela salatzeko. Pabiloi baten eraikuntzan ari zen lanean biktima. LABek gaur egingo du kontzentrazioa, leku berean, hildakoaren hurbilekoei elkartasuna adierazteko eta istripuak salatzeko.