Larrialdi zerbitzuek dei bat jaso dute ordu horretan, ohartaraziz Barrikan ontzi batek kostaldeko harkaitzak jo dituela. Getxotik bertara joan dira Gurutze Gorria eta itsas salbamendurako sorosleak, baina hilik topatu dute ontzian zegoen gizona. Loiuko aireportura eraman dute hilotza, elikopteroz.
Ontzian zegoen beste gizonezko bat Gurutzetako erietxera eraman dute, zaurituta baitzegoen. Oraindik ez dakite zer dela-eta gertatu den ezbeharra, baina, SOS Deiek azaldu dutenez, olatu handiak daude itsasoan, eguraldi ona badago ere.
