Bizkaiko Clarel kosmetika dendetako langileek greba egingo dute abenduaren 31n eta urtarrilaren 5ean. ELA sindikatuaren arabera, 94 langile kaleratu dituzte azken bi urteetan, enpresak Bizkaian dituen 38 dendetatik hogei frankizia bihurtu dituztelako. Hala, langileek Clareli eskatu nahi diote «frankizien politikarekin» ez jarraitzeko, eta 2023an kaleratze gehiago egongo ez direla bermatzeko. ELAk dio enpresak «lanpostuak babesteari uko» egin diola, eta horregatik deitu dute beste bi greba egunetara; izan ere, arrazoi berberengatik, abenduaren 24an ere greba egin zuten.
Lan gatazka
Bizkaiko Clarel dendetako langileek greba egingo dute, 94 kaleratze salatzeko
Enpresak Bizkaian dituen 38 dendetatik hogei frankizia bihurtu ostean, 94 langile kaleratu dituzte. Abenduaren 31n eta urtarrilaren 5ean egingo dute greba.
Iruzkinak
Ez dago iruzkinik
Ordenatu
