Botiken berrordainketak inflazioa handitu du

MADRIL. Egun batzuk falta dira oraindik Hego Euskal Herrian inflazioaren datua jakiteko, baina Espainiakoaren aurrerapenak iradoki du gora egin duela. INEren arabera, hiru hamarren igo da uztailean, %2,2ra arte, botiken truke gehiago pagatu behar delako. Berez sendagaien prezioa ez da igo, baina herritarrek pagatu behar dutena bai, eta hori kontuan hartzen du INEk. Erregaiak eta argindarra ere garestitu dira. Estatuaren menpe dauden autobideen tarifa ere %7,5 igo da asteburuan. Irailean, are gehiago igoko dira prezioak, BEZaren eraginez.