BURTSA. Cortina, ez Arafat

Arafat hilzorian delarik, Espainiako enpresa pribatizatuetako presidenteek ere arriskuan omen dute euren kargua. Asteon«Guess who died» edo «Asmatunor hil den» galdekatuta, Israelen Arafat esango zuten, baina Madrilen Alfonso Cortina. Repsol-YPFren (-%1,09) lehendakaritza utzi du Ratoren lagunak eta Gas Naturaleko (+%2,29) presidente zen Brufauk ordezkatu du.Bada, Brufauk ukatu arren, bi enpresa horien bategite zurrumurrua kalean da, handienaren (erosle litzatekenaren) kaltean. Bategitean argindar enpresa bat sartzea ere ez da baztertzen eta Iberdrola (+%0,77) izena badago zenbaiten apustuetan. Energia sektorearen beroketa horien emaitza, urteko maximo berria izan zen; KPIren igoera berriari eta familien zorpetzeari jaramonik egin gabe eta 2.500 milioiren salerosketa lagun. Iberia eta Acciona %3n pasa igo ziren eta BBVA nahiz Endesa %2na pasa.

-Zeltiak (=) urria bitartean milioi bat euro ere ez du irabazi aurten, iaz 21 milioi euro pasa irabazi ondoren (ezohiko emaitzak lagun). Atzo, Zeltiaren hiru milioi euro baino ez ziren salerosi. Ibex-35 indizean ez dago luzerako.

-CIE Automotive (+%1,17) euskal enpresaren mozkina %54 igo da, 13 milioi euro irabazteraino. Salmentak %20 hazi dira 500 milioi euroraino. Volkswagenen mozkina, ordea, %44 jaitsi da.