Edesa, makineria saltzeko asmoz

Edesak Basauriko lantegiko makineria salgai duela salatu zuten atzo bertako langileek. Bi orduko elkarretaratzea egin zuten fabrikaren atarian, eta han izan zen Basauriko alkatea ere. Kaleratze espedientearekin daude beharginak, eta azaldu zuten asteon talde bat ibili dela lantegian termoak fabrikatzeko makineria probatzen, gero tresneria hori erosi ala ez erabakitzeko.