Enpresak itunen negoziazioak atzeratzen ari direla salatu du LABek

Euskal Herrian hainbat lan hitzarmen berritu gabe daude. Horietako asko negoziatzen ari dira, baina LABek salatu du enpresaburuak negoziazioak luzatzen ari direla, negoziazio kolektiboaren erreformaren zain. Erreformak langileentzat izan ditzakeen arriskuen eta enpresaburuek espero dituzten abantailen berri eman zuen Garbiñe Aranburuk, LABeko Industria Federazioko arduradunak: Espainiako hitzarmenak aplikatzea, Hego Euskal Herrikoak baino «okerragoak»; hitzarmenak ez aplikatzeko erraztasunak; eta ultraaktibitatea baldintzatzea, hau da, hitzarmenak berritzen ez badira, hutsetik negoziatzen hasi beharra.