Ganadu azokak egiteko debekua kendu egingo dute astelehenean Eusko Jaurlaritzak eta Nafarroako Gobernuak. Mugaz bestaldera behien artean zabaldutako dermatosi nodular kutsakorra zabaltzea eragotzi nahi izan zuten neurri horren bidez, eta abeltzainak debekuaren kontra azaldu ziren.
Eusko Jaurlaritzak baieztatu du kontrol eta babes neurriak indarrean jarraituko dutela: besteak beste, animaliak tokiz aldatzen diren bakoitzean desinfektatuko dira, eta kutsatutako eremuetako abereak sartzea debekatuta egongo da. Gainera, Araba, Bizkai eta Gipuzkoatik kanpo sartzen diren animaliek albaitarien zaintza berezia izango dute, eta haien egoera 21 egunez kontrolatuko da.
Dermatosi nuklearra ez da kutsakorra gizakien artean. Euskal Herrian kasurik atzeman ez bazen ere, Hego Euskal Herriko gobernuek ganadu azokak eta lehiaketak debekatu zituzten urrian. Europako Batasunean A kategoria du abereen eritasun horrek, eta hura desagerrarazteko neurriak hartzera behartzen ditu administrazioak.
Urrian, Frantziako hiru departamentutan hainbat kasu atzeman ziren, eta handik Gironara hedatu zen (Katalunia) —bertan hamazazpi kasu detektatu ziren—.
