Lan merkatuari eta gizarte babesari lotutako parametro guztiak ez dira hobera egiten ari. Esaterako, Eusko Jaurlaritzak kudeatutako DSBE diru sarrerak bermatzeko errenta jasotzen dutenen kopuruak gora egin du maiatzean: hil horren amaieran 51.117 lagunek jasotzen zutenDSBEa, apirilean baino 376 gehiagok. Hamarretik sei Bizkaian bizi dira; laurdenak, Gipuzkoan; eta gainontzekoak, Araban.
Horiei gehitu behar zaizkie IMV bizitzeko gutxieneko errenta jasotzen dutenak: 21.082, guztira. Espainiako Gobernuak sortutako gizarte laguntza da IMVa, eta Lanbidek kudeatzen du gaur egun. DSBEarekin bateragarria denez, 10.487 lagunek biak jasotzen dituzte: IMV laguntza nagusi gisa, eta DSBEa osatzeko.
Diru sarrerak bermatzeko errenta jasotzen dutenen %45 dira langabeak. Ia-ia laurden batek bere pentsio txikia osatzeko baliatzen du gutxieneko errenta, eta beste hainbeste lanean ari dira, baina DSBEaren laguntza behar dute gutxieneko diru sarrerak osatzeko. Hamarretik zazpik Espainiako herritartasuna dute.
Interesgarria izango zaizu
Nabarmenduak
