Iberdrolako operadoreak protestara deitu dituzte

BILBO. Gueñesko (Bizkaia) Customek Works enpresako langileek protestak egingo dituzte bihar Bilboko erdigunetik, haien lan baldintzak okertu nahi dituztela salatzeko. 344 langileetatik gehienak Iberdrolarentzat operadore lanetan aritzen dira. Biharkoa ez ezik, elkarretaratze gehiago iragarri ditu ELAk, LABek eta CCOOk osatutako langile batzordeak.