Kutxabankek bere negozio zorroa zabaldu du, Gipuzkoako Salto Systems konpainiaren kapitalean sartu baita. Hain zuzen Indar Kartera funtsaren bidez egin du hori. Azaldu duenez, bere egin ditu Salto Systems taldearen akziodun nagusietako baten, hau da, Alta Private Equityren zenbait partizipazio, baina ez du zehaztu zenbat.
Gipuzkoako Salto Systems enpresa eraikin inteligenteak diseinatzen ditu. Oiartzunen (Gipuzkoa) eta Nuzidersen (Austria) ditu egoitzak, 1.850 langile inguru ditu, eta haren hornitzaileen %80 Euskal Herrikoak dira. Horregatik eta sektorean liderra izateagatik sartu da Kutxabank enpresa horretan; hain zuzen, Kutxabankek adierazi du halako konpainiak nahi dituela bere inbertsioetarako. Operazioa, bestalde, Salto Systemsen berregituraketa prozesu betean egin dute. Inflexion Private Equity Partners funts britainiarra, Florac frantsesa eta euskal inbertitzaile talde bat (Jose Poza, Urrutia familia eta Jose Galíndez) ere sartu dira kapitalean.
Gaur jakinarazitako hori Kutxabankek azken hilabeteetan egindako hirugarren inbertsio operazioa da. Izan ere, Uvescon sartu zen 2025eko abenduan, eta Ayesa Digitalen 2026ko urtarrilean; 250 milioi euroko ekarpena egin zuen guztira.
