70 urteko laborari bat hil da asteazken honetan Duzunaritze-Sarasketan (Nafarroa Behera) izandako traktore istripu batean. Ezbeharra 16: 00 aldera izan da. Gizona Azkonzabal auzoko bere soroan ari zen lanean; traktoretik erori egin da, eta azpian harrapatu du. Zerbitzu medikuak iritsi direnean, bihotz-biriketako geldialdian zegoen, eta berehala hil da.
Sindikatuen zenbaketaren arabera, Euskal Herrian aurten lan istripuan hildako 31. behargina da. Apirilean 70 urteko beste nekazari bat hil zen, hura ere lurra lantzen zebilela traktoreak harrapatuta.