Josu Sanchezek azken prentsaurrekoa eman zuen atzo Elkargiko presidente gisa. 2022ko datuak eta 2023ko aurreikuspenak eman ostean, enpresen topaketa bat egin zuten, eta bertan izendatu zuten presidente berria: Lander Artetxe. Iaz hasi zen Elkargin lanean Artetxe, administrazio kontseiluko kontseilari gisa. Urtebete eskasean, presidente kargura itzuli da, Josu Sanchezek aulkia utzita.
Artetxek Zuzenbideko lizentzia egin zuen Deustuko Unibertsitatean, eta Arteche Taldean hasi aurretik hainbat lan egin zituen munduko finantza eta aholkularitza enpresa batzuetan. 1997an sartu zen familiako enpresan, eta lau urte eman zituen Brasilen; denbora horretan, taldearen Hego Amerikako operazioen buru izan zen. Bizkaiko metalgintzako patronalaren presidenteordea eta Cebekeko aholkularia ere bada.
Lander Artetxe Elkargiko presidente berria
Iruzkinak
Ez dago iruzkinik
Ordenatu
