Eusko Jaurlaritzako Segurtasun Sailak eman du istripuaren berri. Haren arabera, 08:30ean izan da ezbeharra, Errenteriako Masti Loidi industriagunean. Hildakoa 63 urteko gizonezkoa zen, baina zein enpresatakoa zen ez du argitu.
Anbulantzia iritsi denerako hilik zegoen langilea, eta Donostiako ospitalera eraman dute, autopsia egitera.
LABen zenbaketaren arabera, atzora arte 65 lagun hil dira Euskal Herrian lanean ari zirela. Kopururik handiena da 2011. urteaz geroztik (orduan 80 hil ziren).
