Euskal Herria zatitzen duen mugaren eragina itsasoraino ere iristen da: Baionako fiskal Mariel Garrigosek jakinarazi duenez, euskal itsasontzi bateko kapitaina atxilotu egin zuten apirilaren 9an Angelu parean (Lapurdi), eta ontzia, Orioko Beti aingeru izenekoa (Gipuzkoa), Baionako portura eraman zuten, «Frantziako uretan baimenik gabe arrantzatzeagatik». Ontzian 6,4 tona antxoa atzeman zuten. Ontzia gaur arte egon da Baionako portuan, eta gaur irten da handik, 10.000 euroko fidantza ordainduta. Epaiketa urrian izango da, eta urtebeteko espetxe zigorra eta 75.000 eurorainoko isuna jaso lezake.
Orioko ontzi bateko kapitaina atxilotu dute Angeluko kostaldean antxoa arrantzatzeagatik
Apirilaren 9an atxilotu zuten, eta 6,4 tona antxoa atzeman zituzten ontzian. Epaiketa urrian izango da, eta 75.000 eurorainoko isuna jar diezaiokete.
Iruzkinak
Ez dago iruzkinik
Ordenatu
