Pascal Gomez da SEA Arabako Enpresaburu Elkarteko presidente berria. Elkarteko zuzendaritza asteazken iluntzean bildu zen, Juan Jose Azurmendiren ordezkoa aukeratzeko. Gomez elkarteko lehen lehendakariordea izanik, hari zegokion kargua, inork beste hautagairik aurkeztu ezean. Ez zen beste izenik atera, eta, estatutuek diotenari jarraituz, Gomez izendatu zuen batzarrak.
Pascal Gomezek 46 urte ditu, eta ibilbide luzea du industria arloan. Auxitec eta Babiotec enpresak gidatzen ditu. Erremintak eta industriarentzako makinak banatzen ditu enpresa horietatik. Aldez aurretik, Ajebask elkarteko presidente izandakoa da, eta Arabako Merkataritzako Ganberako lehendakariorde lehena ere bada. Joan den urriaren 6an sartu zen SEAko buruzagitzan, industria sektorearen ordezkari gisa.
«SEAko lehendakari izatera iritsi da elkarteko hainbat organotan parte hartu eta gero, eta ia hamarkada batez lankide leiala izan ondoren», adierazi zuen batzarrak, ohar batean. Joan den astelehenean zendu zen Juan Jose Azurmendi, gaixotasun luze bat izan eta gero. SEAko lehendakaritza hartu zuen 2007. urtean.
Pascal Gomezek ordezkatuko du Azurmendi SEAren buruzagitzan
Industria sektorearen ordezkari zen orain arte enpresaburu elkartean, eta aurretik Ajebaskeko buru izandakoa da
Iruzkinak
Ez dago iruzkinik
Ordenatu
