Pello Gibelalde beste hiru urterako izendatu dute Adegiko lehendakari

DONOSTIA. Aldaketarik ez dago Gipuzkoako patronalaren buruzagitzan. Adegiko batzarrak Pello Gibelalde (Legazpi, 1944) hautatu zuen lehendakari beste hiru urterako. Adegiren Enpresaren Eguna amaitzeko eginiko ekitaldian, Gibelaldek agindu zuen indar handia jarriko duela enpresaren defentsan, eta jarduera ekonomikoa laguntzeko politikak eskatu zizkien erakundeei. Enpresaburuen eta langileen arteko «antagonismoaren dinamika» haustearen alde mintzatu zen.