Sektore arteko ituna negoziatzeko mahaian egon nahi du gaur Garenek

BILBO. Confebaskek deituta, ELA, LAB, CCOO eta UGT mahai berean eseriko dira gaur, patronalaren eta sindikatuen artean sektore arteko itun bat negoziatzeko asmoarekin. Bilerara deituta egon ez arren, Garen patronalak ere bertara joango dela iragarri zuen atzo, bera ere mahai horretan egon behar dela iritzita. Enpresa txiki eta ertainen interesak babesteko sortutako patronala da Garen. Gaurko deialdia positibotzat jo du, Confebaskek orain arteko jarrera aldatzea dakarrelako.