Agiri baten bitartez ELAk azaldu duenez, enpresako zuzendaritzak beste lantegi batzuetara igorri nahi du Mungian egiten duen ekoizpena.
Sindikatuak erabaki hori salatu du, eta eskatu die erakunde publikoei "industriaren eraisketa" geratzeko.
Zardoya 1919an Donostian sortutako enpresa bat da, eta hiri horretan du Euskal Herriko beste lantegia. 1972an, Otis multinazional estatubatuarrak erosi zuen, munduan igogailu gehien egiten duen enpresak. Urte batzuk geroago, Zardoya-Otisek Ascensores Eguren sortu zuen, Bilbon 1906an sortutako enpresa. Harena zen Mungiako fabrika, orain arriskuan dagoena.
