Zetako hiru langile berriro hartzeko eskatu du LABek

BERRIZ. Manufacturas Zeta enpresak lan faltagatik hiru langile kaleratu dituen arren, gainerako langileei ordu gehiagoz lan egiteko eskatzen diela salatu du LABek. Langile batzuek egunean hamalau orduz lan egiten dute. Horregatik, hiru langileak berriro hartzeko eskatu dio Berrizko enpresari (Bizkaia). Egun hamar langile ditu. Langile horiek kontzentrazioak egin zituzten atzo.