Oiartzungo Udalak Muruetagoiena omendu du

Esteban Muruetagoiena omendu zuen atzo Oiartzungo Udalak (Gipuzkoa), eta lehen aldiz giza eskubideen biktima gisa aitortu zuen. Medikua zen Muruetagoeina, eta 38 urterekin hil zen. 1982ko martxoan atxilotu zuen Guardia Zibilak, eta hamar egun eduki zuten inkomunikatuta. Kargurik gabe aske utzi eta hiru egunera hil zen; ofizialki bihotzekoak jota zendu zen, baina atxiloaldian jasandako torturei egotzi izan diete senideek heriotza.