10 eta 51 urte arteko espetxe zigorrak eskatu ditu Fiskaltzak 18/98 sumarioko auzipetuentzat

18/98 sumarioan auzipetuta dauden 62 lagunentzat 10 eta 51 urteko espetxe zigorrak eskatu ditu Espainiako Auzitegi Nazionaleko Enrique Molina fiskalak; guztira, 1.102 urteko kartzela batzen dituzten zigorrak. Gogorrenak Ramon Uranga eta Xabier Alegriarentzat galdegin ditu, zehazki, 51 urtekoa batarentzat zein bestearentzat. 18/98 sumarioaren instrukzioa Garzon epaileak gidatu du, eta hainbat auzi daude hainbat ataletan banatuta: 'Egin' eta enpresek osatzen dute lehena, Xakik bigarrena, eta Ekinek eta Joxemi Zumalabe fundazioak hirugarrena.