Lehen ikerketen arabera, gaizki jarritako kako batek eta zorua urez bustita egoteak ueragin dute ezbeharra: kakoa gaizki zegoenez, burdin urtuz betetako koilarea erori egin da, eta burdin urtuak ura ukitzean eztanda gertatu da.
17 zaurituetatik hamar Bizkaiko erietxeetara eraman dituzte istripua gertatu eta segituan: lau Gurutzetan ingresatu dituzte, hiru Galdakaoko Ospitalean eta beste hiru Basurtukoan (Bilbo). Beste zazpiak lantegian bertan artatu dituzte lehendabizi, eta gero osasun zentroetara eraman dituzte.
Langile bat bera ere ez dagoela larri ziurtatu du Jaurlaritzak. Hamahiruk dagoeneko jaso dute senda-agiria, eta beste lau behaketa pean dauzkate Gurutzetan. Kea arnastu dutelako dauzkate zaintzapean lau behargin horiek, baina okerrik ezean, bihar jasoko dute senda-agiria.
Eztanda handia izan da, eta eraikinaren egituran kalte handi samarrak eragin ditu. Sutea, berriz, ordubetean itzali dute. .Suhiltzaileak, osasun zerbitzuetako langileak eta Jaurlaritzako larrialdietarako teknikariak aritu dira erreskate lanetan.
Altzairu herdoilgaitzezko hodiak egiten dituzte Tubacexen, eta nazioarte osoan arlo horretan enpresa handienetakoa da. Amurrioko lantegian ditu Tubacexek egoitza nagusiak.
Lan istripua
17 langile zauritu dira Amurrion, Tubacexen fabrikan
Eztanda handia izan da bart goizaldean, 02:35 aldera, Tubacexen Amurrioko (Araba) lantegian: burdin urtuaren koilarea irauli egin da, eta leherketa eta sua eragin ditu. Eztandak 17 langile zauritu ditu, baina hamahiruk dagoeneko jaso dute senda-agiria. Beste lauak behaketa pean dauzkate ke arnastu dutelako, Barakaldoko (Bizkaia) Gurutzetako erietxean.
Iruzkinak
Ez dago iruzkinik
Ordenatu
