2050ean hirietan diesel eta gasolina autorik ez izatea proposatu du Bruselak

Garraioa «lehiakorragoa eta ez horren kutsagarria» izatekoplan bat jarri du martxan Europako Batzordeak. Hala, 2050ean hirietan gasolina eta diesel autorik ez ibiltzea proposatu dute. «Garraioak petrolioarekin duen mendekotasuna amaitu dezakegu, eraginkortasunari uko egin gabe», nabarmendu du Siim Kallas garraio komisarioak. Itsaso bidezko garraioaren CO2 emisioak %40 murriztea nahi dute, eta hegazkinen erabiltzen duten garraioaren %40 CO2an baxua izatea; baita egun errepidez egiten diren joan-etorrien erdia trenez edo bestelako garraioen bidez egitea ere. «Jarri ditugun helburuak errealistak dira». Plana gauzatzeko 1,5 bilioi euroko inbertsioa egin beharko dela aurreikusi dute.