22 urteko gizon bat hil zen atzo arratsaldean Erriberrin (Nafarroa), auto istripu batean. Hiru zauritu ere eragin zituen ezbeharrak; horietako bat, 24 urtekoa, larri dago. N-121 errepidean kontrako noranzkoan zihoazen bi ibilgailuk aurrez aurre jo zuten, eta beste batek haiek jo zituen.
Tafallako suhiltzaileak, foruzainak, Erriberriko osasun langileak eta anbulantziak bertaratu ziren, baina ezin izan zuten ezer egin gaztea salbatzeko. Gaztearen hilotza Medikuntza Legaleko Nafarroako Institutura eramango dute autopsia egiteko. Larri zauritutako 24 urtekoa Nafarroako Unibertsitate Ospitalera eraman zuten, garezurreko eta sabelaldeko traumatismoa zuela.
Foruzaintzak ikerketa abiarazi du zer gertatu zen argitzeko.