Larunbatean 26 urteko gizonezko bat atxilotu zuten Bilbon, sexu eraso bat egin izana leporatuta. Emakume batek salatu zuen sexu erasoa egin ziotela Iturralde auzoko zelai batean, Eusko Jaurlaritzako Segurtasun Sailak azaldu duenez.
Biktimak 43 urte ditu, iturri beraren arabera, eta Basurtuko erietxera eraman zuten. Emakumeak emaniko deskripzioari jarraiki, gizonezko bat atxilotu zuen Ertzaintzak, eta Bilboko ertzainetxera eraman.
