% 2ko beherakada izan du EAEn jaiotza tasak

Eustatek jakinarazi du Araba, Bizkaia eta Gipuzkoako jaiotza-tasak %2ko beherakadaizan duela aurtengo bigarren hiruhilekoan, 2003ko datuekin alderatuz. Hirukidek (Familia Ugarien Elkarteen Federazioa) esan du datu hori «ohar bat» dela, «gogoetarako deialdi zuzenaz» gain, «immigrazioari esker beherakada ez baita etengabea urte batetik bestera». Hirukideren ustez, Eusko Jaurlaritzaren Familiei Laguntzeko Plana «abiapuntu on bat» besterik ez da, «makina bat neurri hartu behar direlako eta erakunde ugarik esku hartu beharra dutelako». Instituzio gehienek erantzukizuna Lakuaren esku uzten dutela salatu du.