34 lagun hil dira Iraken, hainbat erasotan

Medikuntza Fakultate ondoko leherketaz gain, inguruan beste bonba batek egin du eztanda, baina oraindik ez dute zehaztu hildakorik ote den. Hala ere, gaur, dagoeneko 34 hildako izan dira Bagdaden eta inguruan. Al Kadimiyan, Bagdadeko auzo batean, 7 pertsona hil dira eta 9 zauritu bonba baten eraginez. Goizaldean, berriz, base militar batean lan egiten zuten 11 langile hil dira zihoazen autobusak eztanda egin ostean, Bagdadetik 65 kilometrora.Hiru lagun hil eta bost zauritu utzi ditu, berriz, atentatu suizida batek Bagdadeko zentroan, eta inguruan, beste bi hil dira bonba baten ondorioz. Yarmuk auzoan, hiru pertsona hil ditu pistolak zeramatzan talde batek euren autoa tirokatu ostean.