Gasteizko Udaltzaingoak 35 urteko gizon bat atxilotu zuen atzo, indarkeria matxista leporatuta. Kalean bikotekideari eraso egitea egozten diote.
Poliziak ohar bidez adierazi duenez, 13:12an abisu bat jaso zuten Koroatze auzotik; jakinarazi zieten gizon batek haur kotxe batekin zegoen emakume bati eraso ziola. Poliziak bertaratu zirenean jakin zuten gizonezkoak iletik tira egin ziola bikotekideari. Han bertan atxilotu zuten gizona.
