47 urteko gizon bat hil da Fiteron (Nafarroa), N-113 errepidean, auto baten eta kamioi baten arteko istripuan. Nafarroako Gobernuak eman du ezbeharraren berri.
Tuterako suhiltzaileak, eskualdeko osasun zerbitzuak eta anbulantzia bat bertaratu dira istripuaren lekura, baina ezin izan dute autoko gidaria suspertu. Nafarroako Auzitegi Medikuntza Institutura eraman dute autopsia egitera, eta Foruzaingoa gertatutakoa ikertzen ari da.
