Frantziako espetxealdia bukatzen zuela, eta EspainiakoPoliziaren esku utz zezaketela salatzeko, hilabete gose greban egin du Jabi Irastorza preso beasaindarrak. Horregatik, ahulduta atera da kartzelatik. Kanpoan zain zituen Euskal Herritik joandako senide eta lagunak.
Atera eta berehala, konfinamendu agindua duela jakinarazi diote, eta 48 orduko epea duela Aube eskualdeko —hau da, konfinatu duten eremuko— agintarien aurrean bere burua aurkezteko.
Askatasuna erakundeak hainbat galdera plazaratu ditu konfinamendu agindu horren inguruan; besteak beste, ez noiz arte izango duten konfinatuta, eta, gero, konfinamendua amaitzen denean Espainiako Poliziaren esku utziko al duten. Era berean, "Euskal Herrira itzultzea" Irastorzaren eskubidea dela nabarmendu du Askatasunak.
Euskal presoak
48 orduko epea eman dio Frantziako Justiziak Jabi Irastorza presoari konfinamendu lekura joateko
Goizeko 08:15 inguruan atera da Jabi Irastorza preso beasaindarra Frantziako Perpignango espetxetik. Kanpoan zain zituen senitarteko eta lagunak, eta harrera beroa egin diote. Nolanahi ere, Irastorza Frantzia ipar-ekialdeko Aube eskualdean konfinatzea erabaki du Frantziako Justiziak, eta hango agintarien aurrean aurkeztu beharko du bere burua 48 ordu baino lehen.
Iruzkinak
Ez dago iruzkinik
Ordenatu
