Gasteizko Udaltzaingoak 48 urteko gizon bat atxilotu zuen atzo goizean, indarkeria matxista leporatuta. Biktimaren semeak eman zion erasoaren berri Poliziari: bikotekidea amari joka ari zitzaiola salatu zuen.
Udaltzainak haren etxera joan ziren, etan han topatu zituzten emakumea eta gizona. Andrazkoa shock egoeran aurkitu zuten poliziek, kolpe zantzu nabarmenak zituela. Haren bikotekideak, berriz, eskuak odolez zikinduta zeuzkan. Udaltzainek atxilotuta eraman zuten gizonezkoa; lesio delitu bat leporatu diote, indarkeria matxistarekin zerikusia duena.
