Urterik urte, handitzen ari da Lilatoia emakumezkoen lasterketa. Generoen arteko parekidetasuna aldarri, festa eta elkartasun giroan, 5.240 emakume irten dira lasterka. Iaz baino 439 gehiago.
29. Lilatoia izan da aurtengoa eta, beste behin ere, giro alaiean osatu dute ibilbidea parte hartzaileek, emakumeenganako gizarte diskriminazioa salatzeko; hain justu, Euskal Herriko mugimendu feministak martxoaren 8rako deitu duen emakumezkoen grebarako lau egun besterik falta ez direnean.
Sare sozialetan argazki ugari zabaldu da, lasterketan izan den giroaren erakusle. Askok egin dute lasterketa taldeka, lagun nahiz familia artean. Horien artean, BERRIAko hainbat emakumezko langilek.
Aurten ere, BERRIAko emakumeak urrutira iritsi gara! Martxoaren 8rako motorrak berotzen! #lilatoia , ederra izan da! 🙆ðŸ½â™€ï¸ÂÂÂÂÂðŸÂÂÂ’ÂÂÂœ #EmakumeokPlantopic.twitter.com/3qGRzmqA2H
— Berria.eus (@berria) 4 de marzo de 2018
Musikarik eta dantzarako aukerarik ez da falta izan, Malen Aldalurrek Irutxuloko Hitzarako kontatu bezala.
Bukatu da Lilatoia baina oraindik dantzarako gogoz daude! @irutxulo@Lilaton1#Lilatoiapic.twitter.com/5RT7xk1x8F
— Malen Aldalur (@malenaldalur) 4 de marzo de 2018
Euritan dantza eta dantza! Giro ederra dago goizean goizetik! @irutxulo@Lilaton1#lilatoiapic.twitter.com/1QWOue7xIP
— Malen Aldalur (@malenaldalur) 4 de marzo de 2018
Goierriko hiru ikastolek izan dute talde partaidetzarik handiena.
Goierriko 3 ikastolak (Legazpi, @uzikastola eta @jakintza ) podiumean partaidetzarik handienak eramateagatik. Eta umorearen saria ez dagoelako, bestela... Bejondeizuela!!! @Lilaton1#Lilatoiapic.twitter.com/5CX1qJIz0G
— Jakintza Ikastola (@jakintza) 4 de marzo de 2018
Lasterketa Lorea Ayala donostiarrak irabazi du, 18 minutu eta 7 segunduko denborarekin. Bigarren lekuan iritsi da Marina Gonzalez (18:19) eta hirugarren izan da Izaro Rubio (18:24). Gazteen mailan, Ane Elzaurdia nagusitu da (19:51), eta 60 urtetik gorakoen artean Lourdes Mariezkurrena izan da azkarren. Handbike lasterketan, berriz, Ane Asensiok eta Ruth Alvarezek parte hartu dute.
Sailkapen osoa eta parte hartzaile guztien denborak kontsulta daitezke sarean.
