Txirrindulari bat hil zen atzo goizean Espinosa de los Monterosen (Espainia), txirrindularitza proba batean; 53 urte zituen gizonak, eta iruindarra zen. Kirol jarduerako antolatzaileek erran dutenez, probaren hasieran konortea galdu zuen, eta larrialdi zerbitzuek ezin izan zuten suspertu.
09:30ean hasi zen proba, eta hamabortz minuturen buruan jaso zuten abisua larrialdi zerbitzuek. Bertaratu zirenean gizona suspertzen saiatu ziren, baina ez zuten lortu. Proba bertan behera uztea erabaki zuen udalak.
