62 urteko gizon batek bizia galdu du gaur goizaldean, Santurtzin (Bizkaian), hiru metroko harresi batetatik erorita. Eusko Jaurlaritzako Segurtasun Sailak jakinarazi duenez, buruan kolpe bat hartu du, eta horren ondorioz hil da.
Karmengo jaietan murgilduta daude herrian, eta ezbeharra portuan izan da, goizaldeko laurak aldera. Gizona harresitik jausi da, eta marea behean zegoen. Segurtasun Sailak adierazi duenez, uretara murgiltzeko arrapala jo du buruarekin, eta osasun zerbitzuek ahaleginak egin dituzten arren, gizonaren zauriak larriegiak ziren, eta ezin izan dute bizirik atxiki.
