13 eta 14 urteko bi neskaren gurasoek ipinitako salaketaren ondoren atxilotu dute, Tuteran (Nafarroa). Salaketaren arabera, bi adingabeei adina galdetu zien, eta bietan nagusienari 300 euroren truke sexu harremanak izatea proposatu zion. Horrek ezetz esandakoan, bestearekin saiatu zen. Aurretik beste adingabe batzuekin harremanak izan dituela esanez persuaditzen ahalegindu zen.
Poliziak susmagarrien argazkiak erakusterakoan, "berehala" identifikatu zuten. Aurrekariak ditu, sexu erasoengatik eta adingabeei diru truk sexu harremanak eskaintzeagatik. Gironako epaitegiak ere atxilotzeko agindua emana zuen, antzeko beste delitu batengatik. Epaileak Tuteran egoteko debekua ezarri dio.
