800 kilo kokaina atzeman ditu Espainiako Poliziak Bilbon

Espainiako Poliziak 814 kilo kokaina atzeman zituen Bilboko portuan, joan den apirilaren 9an. Berria gaur jakinarazi du Espainiako Poliziaren eta Guardia Zibilaren Zuzendaritzak. Zazpi lagun atxilotu ditu Poliziak Bilbon, Bartzelonan eta Eivissan (Herrialde Katalanak), atzemandako gaien trafikoarekin zerikusia dutelakoan.

Poliziaren arabera, droga Argentinatik ekarri dute, Paris-Dakarren parte harte duen kamioi baten itxura zuen ibilgailuan gordeta. Kamioi hori bera urtarrilean eraman zuten Bilboko portutik Buenos Airesera, iturri berberen arabera. Kokainaz gain, 15.000 extasi pilula, 4,5 kilo haxix, armak eta 47.000 euro atzeman dituela dio Poliziak.