Lesakako (Nafarroa) gizon bat hil da duela bederatzi egun izan zuen auto istripu baten ondorioz. Joan den asteazkenean zendu zen Irungo ospitalean (Gipuzkoa), baina atzo arratsaldean jakinarazi zuten 83 urteko gizonaren heriotza.
Urriaren 18an gertatu zen ezbeharra Lesaka eta Oiartzun (Gipuzkoa) arteko errepidean. Bi ibilgailuk aurrez aurre jo zuten elkar, eta beste autoko emakumea ere zauritu zen istripuan. Biak ospitalera eraman zituzten.
