Kazetaritza

Abian da Euskarazko I. Kazetaritza Kongresua

Bilboko Euskalduna Jauregian abian da Euskarazko I. Kazetaritza Kongresua, eta hiru egunez arlo horretako hainbat gai aztertuko dituzte 27 ponentzia, bi mahai inguru eta 20 komunikazioren bidez. Bederatzietan hasi dira parte hartzaileak dokumentazioa biltzen, eta, ondoren, Elixabete Garmendia kazetaria euskarazko hedabideek azken 20 urteotan egin duten ibilbidea aztertu du. EHUk, EIE Euskal Idazleen Elkarteak, UEUk, Topagunea euskara elkarteen federazioak eta 'Berria'-k antolatu dute kongresua, elkarlanean. Parte-hartzaileak 200 bat dira.

2004ko azaroaren 9a

11:45

Entzun 00:00:00 00:00:00

Gaur hasi, eta ostiralera bitartean, Euskarazko kazetaritzaren I.Kongresua egiten ari da, Bilboko Euskalduna Jauregian. Lau helburu ditu kongresuak: euskarazko kazetaritzaren diagnostikoa egitea, haren etorkizunaz hausnartzea, plangintza estrategikoaren abiapuntua finkatzea, eta eztabaida maila teorikoan ere finkatzea. EHUk, Euskal Idazleen Elkarteak,UEUk, Topaguneak eta Berriak antolatu dute kongresua.

Euskarazko Kazetaritzaren I. Kongresuan profesionalak, Administrazioa, irakasle eta ikasleak bilduko dituen foroa sortu nahi dute.

Euskarazko kazetaritzaren diagnostikoa egingo dute, hasieran, haren ahuleziak eta indarguneak sektorez sektore zehaztuz. Gero, etorkizunaz gogoeta egingo dute, horrekin guztiarekin euskarazko kazetaritzaren Liburu Zuriaren abiapuntua finkatzeko. Bukatzeko, eztabaida maila teorikoan egiteko asmoa daukate.

800.000 hiztunetako komunitateri zuzenduta, 250 komunikabide baino gehiago daude, egunkari nazional, herri aldizkari, irrati eta abarren artean. Horiek guztiek euskaraz emititu eta idazten dute, eta duela 30 urte lan hori egiten zuten komunkabideak 30 besterik ez ziren.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak