"Erreferenduma egiten duen euskal alderdi bakarra da", zehaztu du Etxeberri-Aintxartek. "Aski larria litzateke hain garrantzitsua den itun bati buruz ABk jarrera exekutiboan hartzea". Horregatik egin dute barne kontsulta prozesua. ABko kide batzuk itunaren aldekoak dira, beste batzuk aurkakoak eta beste multzo batek boto zuria hautatu du. Barne eztabaidak antolatu dituzte. "Denek beren iritzia esplikatu dute. Debatea biziki lasaia izan da, tentsio izpirik gabe".
Hauek dira, gaurko erreferendumaren behin-behineko emaitzak:
Parte hartzea % 69
Itunaren alde : %35,7
Itunaren aurka : %52,7
Bozka zuriaren alde : %11,5
Europako konstituzio ituna
ABko kideen %52,7 Europako Konstituzio Itunaren aurka azaldu dira
ABko militanteak Europako Konstituzio Itunaren inguruan barne erreferenduma egin dute gaur. ABren "jarrera ofiziala" gehiengo zabal baten iritziaren araberakoa izanen zela jakinarazi zuten aurrez, alegia, kideen %50ek beharko zuela parte hartu gutxienez, eta jarrera nagusiak bozen %70 lortu beharko zuela. Gehiengoak ezekoaren aldeko hautua egin du, %52,7k. Hala ere, ez dute boto eskaririk egingo.
Iruzkinak
Ez dago iruzkinik
Ordenatu
